علق الإعلامي باسم يوسف، على الأخبار التي انتشرت خلال الساعات الماضية عن عودته لتقديم البرامح في التليفزيون المصري، خلال الفترة المقبلة.
وكتب باسم عبر حسابه على “فيسبوك”، رداً ساخراً قال فيه: “طيب يا جماعة عشان الكلام كتير والإشاعات كتير أنا زي ما شوفتوني أول مرة في أوضة الغسيل من مصر هتشوفوني تاني على شاشات التلفزيون المصري من أوضة الغسيل من لوس أنجلوس”.
وتابع: “هكون ضيف أحمد سالم في برنامج كلمة أخيرة عبر الأقمار الصناعية أو راوتر الإنترنت في حوار حصري يوم ٧ أكتوبر”.
وأضاف: “هنتكلم عن رحلتي الكام سنة اللي فاتت وهنقول شوية حكايات لطيفة عن ما وراء الكواليس في كل الأخبار واللقاءات اللي طلعت فيها أسرار تنشر لأول مرة (أو لتاني مرة عادي)، أكشن، دراما، مقاطع بلوتوث ساخنة”.
واختتم: “أما موضوع إني واخد ٢٢ مليون جنيه ده فبصراحة ده خبر عجيب جدًا يا ريت نتحرى الدقة. أنا واخد ٢٢ مليون دولار. عيب كده”.
باسم يوسف يتعذر لجمهوره بسبب عرض تلفزيوني
كان باسم يوسف قد فاجأ جمهوره باعتذاره عن العرض المسرحي الجديد الذي كان من المفترض أن يقدّمه في 13 حزيران (يونيو) المقبل في ميامي بأميركا، مؤكداً أن أزمة طارئة منعته من تقديم العرض على المسرح المذكور، وأن فريق العمل يحاول تغيير المسرح الذي سيُقام عليه العرض، وكاشفاً عن تعرّضه لضغوطات كبيرة لعدم تقديم العرض.
وكتب باسم عبر حسابه الخاص في “إنستغرام” منشوراً قال فيه: “أعتذر لكل الجمهور اللي حجز تذاكر عرض ميامي يوم 13 يونيو، للأسف ده كان خارج إرادتنا، إحنا حالياً بنحاول نجيب مسرح تاني في الوقت القصير ده، للأسف لا يخفى عليكم كمية الضغوطات اللي بتعرّض لها الشهور اللي فاتت”.
وأضاف: “بالرغم من المضايقات وتهديدات الإلغاء، قدرت أقدّم أكتر من 100 عرض في أوروبا وأمريكا والشرق الأوسط وجنوب إفريقيا، ميامي واحد من الاستثناءات دي، عرضين نيو جيرسي ما زالوا موجودين يوم 22 يونيو”.
واختتم باسم يوسف منشوره بالقول: “آسف جداً، بس بالنسبة للي حصل لناس كتير، فده ولا حاجة، الحل الوحيد لكسر وقوع الريتش والحظر الواضح للصفحة زي ما أنتم حاسين إننا نكلّم بعض وننشر لبعض، أتمنى إنكم تقولوا لكل الناس على عروض نيوجرسي اللي في نفس أسبوع مباريات الأهلي في كأس العالم، وميامي، نحاول على قد ما نقدر نجيب بديل آخر بسرعة”.
